Alyans harbiy qo‘mitasi raisi admiral Rob Bauer o‘z intervyusida NATOning Rossiya bilan urushmasligi haqida aytib o‘tdi, deb xabar beradi “RBK”.
NATO Rossiya bilan urushayotgani yo‘q. Menimcha, bu ochiq-oydin tushunarli. Agar Rossiya a‘zo davlatlarimizdan biriga hujum qilsa, biz ittifoqdoshimiz hududining har bir qismini himoya qilgan bo‘lardikMoskva Ukrainada Rossiya NATO bilan to‘qnash kelganini bir necha bor ta‘kidlagan. Xususan, avgust oyi boshida prezident ma’muriyati rahbarining birinchi o‘rinbosari Sergey Kiriyenko shunday bayonot bilan chiqqan edi. Uning so‘zlariga ko‘ra, Ukraina hukumati G‘arb va NATOga “o‘z davlati, hududi va eng yomoni, xalqini foydalanish uchun berib qo‘ygan” va bu Rossiyaga qarshi “fundamental qarama-qarshilik”ni boshlab bergan.Alyans Kiyevga aloqa uskunalari, tibbiy asbob-uskunalar, dronlar va boshqalar kabi “o'limga olib kelmaydigan” yordamlarni beradi. Umuman olganda, Ukrainaga nafaqat NATO, balki tashkilotga a‘zo bo‘lmagan davlatlar ham ko‘maklashmoqda.
NATO o‘z harakatlari bilan Ukrainani va uning o‘zini himoya qilish huquqini qo‘llab-quvvatlaydi.
Rob Bauer, Alyans harbiy qo‘mitasi raisi
Alyans maxsus operatsiya boshlanishidan biroz oldin yangi Strategik konsepsiyani qabul qilgan va unda Moskvani blok xavfsizligiga bevosita tahdid deb atagandi. Biroq, AQSh Mudofaa vaziri Lloyd Ostin NATO Rossiya bilan qarama-qarshilikka intilmasligini, balki “NATOning bir ittifoqchisiga hujum barchaga hujum degani” tamoyiliga amal qilishini ma’lum qilgan edi.
Izoh (0)