DXR rahbari LXR rahbarini referendumlar bo‘yicha sa’y-harakatlarni birlashtirishga taklif qildi

Donetsk Xalq Respublikasi rahbari Denis Pushilin Lugansk Xalq Respublikasi rahbari Leonid Pasechnikga DXR va LXRning Rossiya tarkibiga qo‘shilishi bo‘yicha referendumga birgalikda tayyorgarlik boshlashni taklif qildi, deb yozadi “RBK”.

Pushilin LXR va DXR jamoat palatalari o‘z rahbariyatlariga ularni Rossiyaning bir qismi deb tan olish bo‘yicha zudlik bilan referendum o‘tkazish tashabbusi bilan murojaat qilganini eslatib o‘tdi.

“Men respublikalar rahbarlari ma‘muriyatlari, parlament apparatlarining sa’y-harakatlarini birlashtirish taklifi bilan chiqdimki, ular referendumga tayyorgarlik ko‘rish masalasini boshlashimizga imkon beradigan qadamlar, harakatlar algoritmini ishlab chiqishga zamin yaratishlari kerak”, — dedi u.

Shuningdek, Pushilin DXR va LXR harbiy tuzilmalariga xavfsizlik masalalarini birgalikda ishlab chiqish bo‘yicha ko‘rsatma berishni taklif qildi, uning so‘zlariga ko‘ra, bu urush nuqtai nazaridan muhim.

“O‘ylaymanki, o‘tgan yillardagidek, respublikalar tug‘ilgan sakkiz yil davomida, 2014-yilning ayni bir xil vaqtida respublikalar referendum o‘tkazganini hisobga olsak, navbatdagisi ham shunday bo‘ladi. Bizning harakatlarimiz hamohang bo‘lishi kerak”, — deydi u.

Ma’lumot o‘rnida, DXR va LXRda mustaqillik referendumlari 2014-yilning may oyida bo‘lib o‘tgan.

Mavzuga doir:

• LXRda zudlik bilan Rossiyaga qo‘shilish bo‘yicha referendum o‘tkazish taklif qilindi
• LXR Rossiyaga qo'shilish bo'yicha referendumni “bir kunda bitadigan ish emas” deb atadi
• LXRdan keyin DXRda ham zudlik bilan referendum o‘tkazish masalasi ko‘tarildi