Xitoy–Qirg‘iziston–O‘zbekiston–Afg‘oniston multimodal yo‘lagini rivojlantirish maqsadida Qoshg‘ar–O‘sh–Andijon–G‘alaba–Hayraton yangi tranzit yo‘nalishi bo‘ylab konteyner poyezdini sinov tariqasida ishga tushirish boshlandi. Bu haqda Transport vazirligi axborot xizmati xabar berdi.
Ta’kidlanishicha, ayni paytda mazkur yo‘nalish bo‘yicha 12 dona 40 futlik konteynerdan iborat birinchi poyezd O‘zbekiston hududi orqali yo‘lga chiqmoqda.
Xitoy–Qirg‘iziston–O‘zbekiston–Afg‘oniston yangi multimodal yo‘lagi bo‘ylab yuk tashish Qoshg‘ar (Xitoy) temiryo‘l stansiyasidan O‘sh (Qirg‘iziston) temiryo‘l stansiyasiga avtomobil orqali, so‘ngra “Mozori Sharif” (Afg‘oniston) stansiyasigacha O‘zbekiston hududidan temiryo‘l orqali amalga oshiriladi.
Ma’lumot uchun, O‘zbekiston o‘z hududi orqali tashuv jarayonida 70 foizli chegirma taqdim etgan. Boshqa ishtirokchi davlatlar tomonidan 50 foizgacha bo‘lgan tarif imtiyozlari berilgan.
Mavzuga doir: Toshkentda Afg‘onistonga yuk tashishni jadallashtirish bo‘yicha to‘rt tomonlama uchrashuv bo‘lib o‘tdi
Izoh (0)