“Belarusliklar o‘z milliy chegaralarini himoya qilishga qodir” — Lukashenko

Belarus prezidenti Aleksandr Lukashenko bugun belarusliklar o‘z milliy chegaralarini himoya qilish va saqlashga qodir ekanini aytdi. Bu haqda prezident Milliy birlik kuniga bag‘ishlangan forumda so‘zlagan nutqida gapirib o‘tdi.

Uning so‘zlariga ko‘ra, hozirgi geosiyosiy jarayonda belaruslar o‘zlarining milliy jipsligi va XXI asrning geosiyosiy tahdidlariga birlashgan front bilan javob berishga tayyorligini bir necha bor isbotlashlari kerak bo‘ladi. “Bir narsa o‘zgarmasdir: biz o‘z zaminimizda yashaymiz. Bu — bizning o‘sha qadim zamonlardan qolgan yerimiz. Biz bu yerni hech kimga bermaymiz”, — dedi Lukashenko.

U belaruslarni tarixiy saboqlarni yodda tutishga chaqirdi, agar respublika aholisi o‘zlari yashayotgan yerni qadrlasa, suverenitetni saqlasa, u holda mamlakat yaxlitligiga tashqi kuchlar raxna sola olmaydi.

Ma’lumot uchun, Belarusda ikkinchi marta Milliy birlik kuni nishonlanmoqda. 2021-yil iyun oyida Belarus prezidenti 17-sentabrni Milliy birlik kunini milliy bayram sifatida belgilash to‘g‘risidagi farmonni imzolagandi.

Mavzuga doir:

• Lukashenko: “Belarus uchun Shanxay oilasining to‘laqonli a’zosiga aylanish vaqti keldi”
• Belarus ham O‘zbekiston va Rossiyaning “Agroekspress” loyihasiga qo‘shilishi mumkin
• Litva Belarus bilan chegarada devor qurib bitkazdi