Lukashenko: “Belarus uchun Shanxay oilasining to‘laqonli a’zosiga aylanish vaqti keldi”

Belarus prezidenti Aleksandr Lukashenko SHHT bosh kotibi Chjan Min bilan uchrashuvda mamlakati “Shanxay oilasi”ning to‘laqonli a’zosiga aylanish vaqti kelgani haqida gapirdi.

“Bizni bu yo‘lda qo‘llab-quvvatlayotganingizni bilamiz va buning uchun sizdan juda minnatdormiz”, – deydi rahbar. Lukashenkoning aytishicha, SHHTga a’zo bo‘lish katta muvaffaqiyat hisoblanadi.

“Biz 12 yil oldin SHHT bilan hamkorlikni boshlaganmiz. O‘z-o‘zidan yoki tasodifan emas. O‘shanda bu tashkilot yosh edi, dunyo hamjamiyatida o‘z o‘rnini topishga urinayotgan edi. Bugun esa SHHT nufuzli tuzilmaga aylandi, unga katta umidlar bilan qarashmoqda”, — deya ta’kidladi u.

Mavzuga doir: Belarus ham O‘zbekiston va Rossiyaning “Agroekspress” loyihasiga qo‘shilishi mumkin