Qosim-Jo‘mart To‘qayev “Qozog‘iston Respublikasi Konstitutsiyasiga o‘zgartish va qo‘shimchalar kiritish to‘g‘risida”gi qonunni imzoladi.
Qozog‘iston parlamenti palatalarning qo‘shma yig‘ilishida mamlakat konstitutsiyasiga o‘zgartirishlar kiritish to‘g‘risidagi qonunni ikki o‘qishda qabul qilingandi. Hujjatni yig‘ilishda qatnashgan barcha 50 nafar senator va 99 nafar deputat bir ovozdan qo‘llab-quvvatlagan. Shundan so‘ng parlamentda qabul qilingan qonun imzolash uchun Qozog‘iston prezidentiga yuborilgan.
Imzolangan qonunda quyidagilar nazarda tutilgan:
- Qozog‘istonda prezidentlik muddati besh yildan yetti yilgacha uzaytiriladi, prezident esa ikkinchi muddatga qayta saylana olmaydi;
- Mamlakat poytaxtining Nur-Sulton nomi avvalgi — Ostonaga qaytariladi.
Ma’lumot uchun, Qozog‘iston poytaxtining nomi 2019-yil mart oyida Qosim-Jo‘mart To‘qayevning tashabbusi bilan Ostonadan Nur-Sultonga o‘zgartirilgan edi.
Mavzuga doir: Qozog‘istonda Nazarboyev kunini davlat bayramlari qatoridan chiqarib tashlash taklif qilindi
Izoh (0)