Buyuk Britaniyaning marhum qirolichasi Yelizaveta II bilan vidolashish istagida bo‘lganlarning navbat kutish vaqti London vaqti bilan 17-sentabr 8:00 (Toshkent vaqti bilan 12:00) holatiga 24 soatdan oshdi, deb yozadi Meduza Buyuk Britaniya hukumatining Raqamli texnologiyalar, madaniyat, matbuot va sport departamentiga tayanib.
Ammo bu rekord emas: 17-sentabr tungi 1 larda kutish vaqti 25 soatdan ham oshib ketgandi. Shu kuni ertalab 10:00 da esa 16 soatgacha qisqardi.
Shu paytga qadar Yelizaveta II ning tobuti yoniga necha kishi kelib-ketgani aniq emas, biroq gap minglab odamlar haqida bormoqda. Avvalroq London ma’muriyati Yelizaveta II bilan vidolashish istagidagilar soni bir million kishiga yetishini, navbatda kutish vaqti esa 35 soatdan oshishini prognoz qilgandi.
Buyuk Britaniya qirolichasi Yelizaveta II 8-sentabr kuni 96 yoshida vafot etdi. U mamlakatni 70 yil davomida boshqardi.
Qirolicha o‘zining Shotlandiyadagi Balmoral qasrida hayotdan ko‘z yumdi. Uning jasadi Londonga 15-sentabr kuni keltirildi va Vestminster saroyiga joylashtirildi, xohlovchilar qirolicha bilan vidolashishi mumkin.
Yelizaveta II ning tobuti Vestminsterda 19-sentabrgacha qoladi. Qirolicha shu kuni Vestminster abbatligida dafn qilinadi.
Mavzuga doir:
- Qirolicha Yelizaveta II o‘zi amal qilgan va butun dunyoga o‘rgatib ketgan 5 ta tavsiya
- Yaponiya imperatori rafiqasi bilan Yelizaveta II ning dafn marosimida ishtirok etadi
- Qirolicha Yelizaveta II ning dafn marosimiga Rossiya, Belarus va Myanma vakillari taklif qilinmadi
- Dunyodagi millionlab insonlarning qalbini zabt eta olgan qirolicha Yelizaveta II qanday inson edi? (foto)
Izoh (0)