Беларусь президенти Александр Лукашенко бугун беларусликлар ўз миллий чегараларини ҳимоя қилиш ва сақлашга қодир эканини айтди. Бу ҳақда президент Миллий бирлик кунига бағишланган форумда сўзлаган нутқида гапириб ўтди.
Унинг сўзларига кўра, ҳозирги геосиёсий жараёнда беларуслар ўзларининг миллий жипслиги ва XXI асрнинг геосиёсий таҳдидларига бирлашган фронт билан жавоб беришга тайёрлигини бир неча бор исботлашлари керак бўлади. «Бир нарса ўзгармасдир: биз ўз заминимизда яшаймиз. Бу — бизнинг ўша қадим замонлардан қолган еримиз. Биз бу ерни ҳеч кимга бермаймиз», — деди Лукашенко.
У беларусларни тарихий сабоқларни ёдда тутишга чақирди, агар республика аҳолиси ўзлари яшаётган ерни қадрласа, суверенитетни сақласа, у ҳолда мамлакат яхлитлигига ташқи кучлар рахна сола олмайди.
Маълумот учун, Беларусда иккинчи марта Миллий бирлик куни нишонланмоқда. 2021 йил июнь ойида Беларусь президенти 17 сентябрни Миллий бирлик кунини миллий байрам сифатида белгилаш тўғрисидаги фармонни имзолаганди.
Мавзуга доир:
Изоҳ (0)