Ўзбекистондан Беларусга қуритилган сабзавот ва мевалар етказиб берилади. Бу ҳақда EastFruit хабар бермоқда.
Ўзбекистон элчихонаси вакили Беларусь пойтахтида «Белгосписчепром» концерни раиси ўринбосари билан учрашди. Унда Ўзбекистонда ишлаб чиқарилаётган озиқ-овқат ва мева-сабзавот маҳсулотлари ҳақида батафсил маълумот берилди.
Хусусан, концерн таркибига кирувчи корхоналарга Ўзбекистондан қуритилган ва қайта ишланган мева-сабзавот маҳсулотларини етказиб бериш, ўзаро манфаатли ҳамкорликни кенгайтириш, товар айирбошлаш ҳажмини янада оширишга алоҳида эътибор қаратилди.
Озиқ-овқат маҳсулотларини ишлаб чиқариш бўйича тажриба алмашиш, озиқ-овқат саноати соҳасида янги технологияларни ўрганиш мақсадида икки томонлама ишчи ташрифлар ташкил этиш тўғрисида қарор қабул қилинди.
Аввалроқ қайта ишланган мева-сабзавотларнинг жаҳон бозори 2027 йилга бориб 63 фоизга ўсиши ҳақида хабар берилганди.
Изоҳ (0)