“Real” hujumchisi Karim Benzema Yevropa Chempionlar Ligasi doirasida “Seltik” jamoasiga qarshi o‘yinda (3:0) jarohat oldi.
Fransiyalik futbolchi uchrashuvning 30-daqiqasida tizzasidagi jarohat bois maydonni tark etdi. Uning o‘rnini Eden Azar egalladi.
Benzema o‘ng tizzasida og‘riq sezgan va o‘yinni davom ettira olmagan. Forvard maydonni tark etish jarayonida oqsoqlangan.
Karim 7-sentabr kuni chuqurlashtirilgan tibbiy ko‘rikdan o‘tadi va shundan keyin uning jarohati qay darajada jiddiy ekani ma’lum bo‘ladi.
Madridliklar ustozi Karlo Anchelotti o‘yindan keyingi matbuot anjumanida fransiyalik shogirdining holati jiddiy emasligi haqida ma’lum qildi.
Izoh (0)