Ma’lumki, futbol olami vakillari, ayniqsa, mashhur yulduzlar serdaromad kasb egalari hisoblanadi. Ularning hashamatli hayot tarzi ko‘pchilikni hayron qoldirmay qo‘ygan. Ba’zida futbolchilar pulni g‘alati buyumlar sotib olish va noodatiy xizmatlardan foydalanishga sarflaydi. Quyida ularning ayrimlari taqdim etiladi.
Mushuk uchun shaxsiy samolyot
Krishtianu Ronalduning Pepe laqabli mushugi 2021-yilda YTH oqibatida jarohat oladi. Portugaliyalik futbolchi esa uni davolash uchun shaxsiy samolyotida Madridga yuboradi.
Krishdan qolishmaydigan Levandovski
Ta’tilni Polsha qishloqlaridan birida o‘tkazgan Robert Levandovski non olib kelish uchun mashinada emas, vertolyotda boradi. Do‘kongacha bo‘lgan yo‘l 30 kilometrni tashkil qilardi, biroq Robert vertolyot ijaraga olishni ma’qul ko‘radi.
Butsiga zeb berishni yoqtiradigan Obemeyang
Original uslubda ishlangan butsilar Pyer-Emerik Obameyangning jon-u dili. Gabonlik futbolchi ularni kolleksiya qiladi. Uning kolleksiyasida Swarovski kristallari bilan bezatilgan butsilar ham bor.
Qo‘shnisining uyini sotib olgan Messi
Lionel Messi oilasi bilan Barselonada yashagan vaqtida qo‘shni xonadonning shovqinidan bezor bo‘ladi. Leo muammoni avvaliga demokratik yo‘l bilan hal qilmoqchi bo‘ladi. Bu bu yo‘l foyda bermagach, qo‘shnisining uyini asli narxidan ancha katta pulga sotib oladi.
San’atni qadrlaydigan Neymar
Neymar zamon bilan hamnafas yuradi, shu sabab NFT’ga pul sarflashga ham cho‘chimaydi. Umuman olganda braziliyalik futbolchi ikkita noyob virtual surat uchun 1 million dollar sarflagan.
Benzema uchun brilliant to‘p
72 mingta toshdan iborat, umumiy vazni 1250 karatli brilliantlar bilan bezatilgan futbol to‘pi. Buning uchun “Real” yetakchisi 250 ming dollar to‘lagan.
Ramos va Modrichga esa bronza chumoli
Serxio ham zamonaviy san’at befarq emas. Shu bois o‘zi va oilasi uchun Ishiwüt brendidan bir emas, bir nechta bronza chumoli sotib olgan. Bundan tashqari Ramos sobiq jamoadoshi Luka Modrichni ham bu bronza haykalni sotib olishga ko‘ndirgan.
Izoh (0)