«Реал» ҳужумчиси Карим Бензема Европа Чемпионлар Лигаси доирасида «Селтик» жамоасига қарши ўйинда (3:0) жароҳат олди.
Франциялик футболчи учрашувнинг 30-дақиқасида тиззасидаги жароҳат боис майдонни тарк этди. Унинг ўрнини Эден Азар эгаллади.
Бензема ўнг тиззасида оғриқ сезган ва ўйинни давом эттира олмаган. Форвард майдонни тарк этиш жараёнида оқсоқланган.
Карим 7 сентябрь куни чуқурлаштирилган тиббий кўрикдан ўтади ва шундан кейин унинг жароҳати қай даражада жиддий экани маълум бўлади.
Мадридликлар устози Карло Анчелотти ўйиндан кейинги матбуот анжуманида франциялик шогирдининг ҳолати жиддий эмаслиги ҳақида маълум қилди.
Изоҳ (0)