O‘zbekiston bo‘yicha mahallalar o‘rtasida o‘tkazilgan DXX kubogida o‘zini ko‘rsatgan futbolchi Asadbek Ahmadjonov “OKMK” klubi bilan professional shartnoma imzoladi.
Olmaliq klubi matbuot xizmatining xabar qilishicha, 17 yoshli futbolchi bilan uch yillik bitim imzolangan.
Ahmadjonov Toshkent viloyatining “Do‘stlik” MFY jamoasi safida harakat qildi. Uning jamoasi DXX kubogi finalida g‘alaba qozonib, birinchi o‘rinni egalladi. Asadbek esa musobaqada 10 ta gol urgan holda to‘purarga aylandi.
Qayd etish kerak, musobaqada professional futbolchilar qatnashmagan. Jamoalar yosh havaskor futbolchilardan tashkil topgandi.
Izoh (0)