Toshkent viloyati Bektemir tumanida bozordagi sifati yaroqsiz mahsulotlarning savdosi aniqlandi. Bu haqda Sanitariya-epidemiologik osoyishtalik va jamoat salomatligi xizmati xabar qildi.
- 6,5 kilogramm kolbasa mahsuloti (kurka);
- 1,5 kilogramm sosiska mahsuloti;
- 23 kilogramm karam tuzlamasi iste’molga yaroqsiz deb topilgan.
Ushbu mahsulotlarning savdosi bekor qilinib, o‘rnatilgan tartibda bartaraf etilgan.
Yo‘l qo‘yilgan kamchiliklar yuzasidan bozor ma’muriyati, javobgar shaxslar va fuqarolarga ovqatdan zaharlanish hamda uni oldini olish bo‘yicha tegishli tavsiyanomalar berilgan. Profilaktik suhbatlar o‘tkazilgan.
Bundan tashqari, Sanitariya-epidemiologik osoyishtalik va jamoat salomatligi xizmati Yashnobod tumani bo‘limi xodimlari tumandagi “Aviasozlar” dehqon bozorida sanitariya nazorat ishlari olib borgan.
Nazorat davomida soha xodimlari tomonidan bozor hududida noma’lum uy sharoitida tayyorlangan jami 22 litr sut mahsulotlari savdosi bartaraf etilgan.
Mutaxassislar tomonidan tushuntirish ishlari olib borilgan.
Izoh (0)