Toshkentda Milliy gvardiyaga biriktirilgan Isuzu avtobusi yo‘lda xavfli holat yuzaga keltirib harakatlangani aks etgan video ijtimoiy tarmoqlarda tarqaldi. Yo‘l harakati xavfsizligi xizmati holat yuzasidan ma’lumot berdi.
Qayd etilishicha, ushbu avtobus haydovchisiga nisbatan Ma’muriy javobgarlik to‘g‘risidagi kodeksning 128-5-moddaning 2-qismi (transport vositalari haydovchilarining avariya holati yuzaga kelishiga sabab bo‘lgan, ya’ni yo‘l harakatining boshqa qatnashchilarini tezlikni, harakat yo‘nalishini keskin o‘zgartirishga yoki o‘z xavfsizligini yoxud boshqa fuqarolarning xavfsizligini ta’minlash uchun o‘zga choralarni ko‘rishga majbur qiluvchi huquqbuzarlikni sodir etishi) bilan bayonnoma rasmiylashtirilgan.
Ushbu huquqbuzarlik BHMning 10 baravari (3 million so‘m) miqdorida jarima solishga sabab bo‘ladi.
Izoh (1)
Davlat qayerga qarayabdı oddıy fuqorolarga osılmasdan bu zöravonlarga bır chora körıshıngıznı sörayman lütfen