Тошкент вилояти Бектемир туманида бозордаги сифати яроқсиз маҳсулотларнинг савдоси аниқланди. Бу ҳақда Санитария-эпидемиологик осойишталик ва жамоат саломатлиги хизмати хабар қилди.
- 6,5 килограмм колбаса маҳсулоти (курка);
- 1,5 килограмм сосиска маҳсулоти;
- 23 килограмм карам тузламаси истеъмолга яроқсиз деб топилган.
Ушбу маҳсулотларнинг савдоси бекор қилиниб, ўрнатилган тартибда бартараф этилган.
Йўл қўйилган камчиликлар юзасидан бозор маъмурияти, жавобгар шахслар ва фуқароларга овқатдан заҳарланиш ҳамда уни олдини олиш бўйича тегишли тавсияномалар берилган. Профилактик суҳбатлар ўтказилган.
Бундан ташқари, Санитария-эпидемиологик осойишталик ва жамоат саломатлиги хизмати Яшнобод тумани бўлими ходимлари тумандаги «Авиасозлар» деҳқон бозорида санитария назорат ишлари олиб борган.
Назорат давомида соҳа ходимлари томонидан бозор ҳудудида номаълум уй шароитида тайёрланган жами 22 литр сут маҳсулотлари савдоси бартараф этилган.
Мутахассислар томонидан тушунтириш ишлари олиб борилган.
Изоҳ (0)