Navoiy viloyati Karmana tumani hududidan oqib o‘tuvchi Zarafshon daryosi qirg‘oqlarida 829 dona baliq nobud bo‘lgani haqida xabar berilgandi. Viloyat Ichki ishlar boshqarmasi holat yuzasidan qo‘shimcha axborot berdi.
Qayd etilishicha, “Navoiyazot” AJ tomonidan Zarafshon daryosiga tashlanadigan ifloslangan suvlar tarkibida azot kislotalarining miqdori tavsiya qilinganidan ortib ketgan. Buning oqibatida joriy yilning 4-sentabr kuni Zarafshon daryosining Karmana tumanidan o‘tuvchi qismida daryoda yashovchi tirik jonzotlar nobud bo‘lgan.
Holatni o‘rganish, suv hamda o‘lgan jonzotlardan na’munalar olish maqsadida viloyat IIB va tegishli tashkilotlardan mutaxassislar jalb qilinib, ishchi guruh tuzilgan. Mutaxassislar ishtirokida nobud bo‘lgan jonzotlardan hamda Zarafshon daryosiga quyiladigan oqova suvlardan namunalar olinib, tegishli ekspertizalar tayinlangan.
Hozirda holat yuzasidan tergovga qadar tekshiruv harakatlari olib borilmoqda.
Izoh (0)