O‘zbekistonda 18—23 yoshdagi aholining necha foizi oliy ta’lim bilan qamrab olingani ma’lum qilindi

2021/2022-o‘quv yili boshiga O‘zbekistonda 18—23 yoshdagi aholining 28,2 foizi oliy ta’lim bilan qamrab olingan. Bu haqda Davlat statistika qo‘mitasi xabar qildi.

Qayd etilishicha, shu yil boshidan hisoblaganda respublikadagi barcha oliy ta’lim tashkilotlarida jami 808,4 ming nafar talaba tahsil olmoqda.

18—23 yoshdagi aholining oliy ta’lim bilan qamrab olinishi bo‘yicha yillar kesimida quyidagicha ko‘rinish olgan:

• 2017/2018 o‘quv yili boshiga – 8,3 foiz;
• 2018/2019 o‘quv yili boshiga – 10,6 foiz;
• 2019/2020 o‘quv yili boshiga – 13,3 foiz;
• 2020/2021 o‘quv yili boshiga – 18,7 foiz;
• 2021/2022 o‘quv yili boshiga – 28,2 foiz.