“Hududgaz poytaxt” Toshkentning Yunusobod va Olmazor tumanlari ayrim hududlarida 7-sentabr kuni gaz ta’minoti vaqtincha to‘xtatilishini ma’lum qildi.
Qayd etilishicha, Yunusobod tumani Dehqonobod ko‘chasida joylashgan o‘rta bosimli D-89 mmli hamda yerosti D-273 mmli gaz quvurini harakatdagi gaz quvuriga ulash ishlari rejalashtirilgan.
Shu sababli 7-sentabr kuni soat 10:00 dan 17:00 ga qadar “Bobodehqon” MFYdagi 1 200 ta xonadonda, 16-mavzedagi 1084 ta ko‘p qavatli xonadonda, 15-mavzedagi 3800 ta ko‘p qavatli xonadonda hamda ushbu manzillardagi Detoks Medical, Yunusobod Medikal klinikalarida, “Turkiston”, “Fayz” restoranlarida, “Chashma” milliy taomlar kafesida gaz ta’minoti vaqtinchalik to‘xtatiladi.
Shuningdek, 7-sentabr kuni Olmazor tumani Sag‘bon ko‘chasida joylashgan kesimi 89 mmli yerosti gaz quvurini ham harakatdagi gaz quvuriga ulash ishlari rejalashtirilgan. Shu sababli Tarix ko‘chasidagi 10 ta yerli xonadonda, Sag‘bon ko‘chasidagi 45 ta yerli xonadonda hamda shu ko‘chalardagi 4 ta ulgurji tashkilotlarda gaz ta’minoti soat 10:00 dan 17:00 ga qadar to‘xtatiladi.
Izoh (0)