O‘zbekistondagi umumta’lim muassasalarida maktab darsliklari faqatgina joriy o‘quv yilida bepul bo‘ladi. Bu haqda Xalq ta’limi vazirligi mutasaddilari ishtirokidagi matbuot anjumanida ma’lumot berildi.
Xalq ta’limi vaziri o‘rinbosari Temur Komilovga ko‘ra, bu o‘quv yili uchun pullar davlat budjetidan qoplanadi. Ta’kidlanishicha, joriy yil 1,1 trillion so‘mga kitob chop etish reja qilingan va 605 milliard so‘mi davlat budjetidan qoplanadi. Qolgani jamg‘arma mablag‘laridan.
“Qonunchilikka ko‘ra, jamg‘arma mablag‘lari bu ijara tushumlaridan shakllanadi. Bu yil 500 milliard ijara tushumidan qoplanishi kerak edi”, — dedi Komilov.
Xalq ta’limi vaziri birinchi o‘rinbosari Usmon Sharifxo‘jayev esa kelgusida bu tartib qanday davom etishi ishchi guruh tomonidan o‘rganilib, Vazirlar Mahkamasi tomonidan belgilanishini ma’lum qildi.
Mavzuga doir:
- Komil Allamjonov maktab darsliklari bo‘yicha muammo va yechimlar haqida murojaatlar yo‘llashni so‘radi
- Darsliklar nashr etishda korrupsion sxemalarga yo‘l qo‘ymaslik shart: Prezident administratsiyasi boshchiligida darsliklar to‘liq tekshiruvdan o‘tkaziladi
- Maktab darsliklari ijarasi bepul bo‘ladi: prezident bu bo‘yicha topshiriq berdi
- “Kitoblarni pulli ijaraga berish konstitutsiyaga zid deb hisoblaymiz” — Rasul Kusherbayev
- “Oxirgi 3 yilda ko‘pchilikning dumini bosib qo‘ydik” – maktab darsliklarining ijara narxlarini keskin ortishi tarmoqlarda muhokamalarga sabab bo‘lmoqda
- O‘zbekistonda maktab darsliklari ijarasi uchun narx 108 foizga oshdi. XTV holatga tushuntirish berdi
Izoh (0)