Ўзбекистондаги умумтаълим муассасаларида мактаб дарсликлари фақатгина жорий ўқув йилида бепул бўлади. Бу ҳақда Халқ таълими вазирлиги мутасаддилари иштирокидаги матбуот анжуманида маълумот берилди.
Халқ таълими вазири ўринбосари Темур Комиловга кўра, бу ўқув йили учун пуллар давлат бюджетидан қопланади. Таъкидланишича, жорий йил 1,1 триллион сўмга китоб чоп этиш режа қилинган ва 605 миллиард сўми давлат бюджетидан қопланади. Қолгани жамғарма маблағларидан.
«Қонунчиликка кўра, жамғарма маблағлари бу ижара тушумларидан шаклланади. Бу йил 500 миллиард ижара тушумидан қопланиши керак эди», — деди Комилов.
Халқ таълими вазири биринчи ўринбосари Усмон Шарифхўжаев эса келгусида бу тартиб қандай давом этиши ишчи гуруҳ томонидан ўрганилиб, Вазирлар Маҳкамаси томонидан белгиланишини маълум қилди.
Мавзуга доир:
- Комил Алламжонов мактаб дарсликлари бўйича муаммо ва ечимлар ҳақида мурожаатлар йўллашни сўради
- Дарсликлар нашр этишда коррупцион схемаларга йўл қўймаслик шарт: Президент администрацияси бошчилигида дарсликлар тўлиқ текширувдан ўтказилади
- Мактаб дарсликлари ижараси бепул бўлади: президент бу бўйича топшириқ берди
- «Китобларни пулли ижарага бериш конституцияга зид деб ҳисоблаймиз» — Расул Кушербаев
- «Охирги 3 йилда кўпчиликнинг думини босиб қўйдик» – мактаб дарсликларининг ижара нархларини кескин ортиши тармоқларда муҳокамаларга сабаб бўлмоқда
- Ўзбекистонда мактаб дарсликлари ижараси учун нарх 108 фоизга ошди. ХТВ ҳолатга тушунтириш берди
Изоҳ (0)