Shavkat Mirziyoyev raisligida asosiy oziq-ovqat mahsulotlari narxlari barqarorligini ta’minlash va zaxirasini yaratish masalalari yuzasidan o‘tkazilayotgan videoselektor yig‘ilishida tomorqachilikni rivojlantirish masalalariga ham to‘xtalib o‘tildi. Bu haqda prezident matbuot kotibi xabar bermoqda.
Ta’kidlanishicha, mutasaddilarga ko‘chma muzlatkichlar tashkil etish uchun yer maydonlarini ijaraga berish muddatlarini uzaytirish, 2 mingta mahallada kichik muzlatkichlar tashkil etish loyihalarini boshlash topshirildi. Bunda tayyor loyihalar yangi lizing mexanizmi asosida tadbirkorlarga beriladi.
Shu bilan birga, o‘simliklar himoyasi bo‘yicha:
- xususiy sektor bilan hamkorlikda aholi tomorqa yerlarida o‘simliklarni himoya qilish xizmatlarini ko‘rsatish uchun otryadlar tashkil etiladi;
- tomorqalarda foydalanadigan kimyoviy preparatlar ro‘yxati tasdiqlanib, ular aholi orasida keng targ‘ib qilinadi.
- Karantin xizmatidan dehqonlar noroziligi, ular ko‘makchi emas, nazoratchi bo‘lib qolgani tanqid qilindi. Xizmat boshlig‘i Ibrohim Ergashev oxirgi marta qat’iy ogohlantirildi.
- “Agrolizing” AJ yangi loyihalarni ishga tushirishda umuman ishlamayotgani tanqid qilindi
- Shavkat Mirziyoyev 2022-yilda qo‘shimcha ajratilayotgan va kelgusida beriladigan ekin maydonlari hisobidan importni qisqartirish topshirig‘ini berdi
- “Birorta hokim o‘zida qancha mahsulot saqlash quvvati borligini ham, bor mablag‘larni ishlatishni ham bilmaydi” — prezident
Izoh (0)