Shavkat Mirziyoyev raisligida asosiy oziq-ovqat mahsulotlari narxlari barqarorligini ta’minlash va zaxirasini yaratish masalalari yuzasidan videoselektor yig‘ilishi boshlangani haqida xabar berilgandi. Davlat rahbari sohadagi vazifalar va yangi imkoniyatlarni aytib o‘tdi.
Eng avvalo:
- 2022-yilda qo‘shimcha ajratilayotgan 20 ming gektar va kelgusida beriladigan 100 ming gektar ekin maydonlari hisobidan importni qisqartirish;
- oziq-ovqat mahsulotlari ekishni kamida 300 ming gektarga yetkazish.
Mavzuga doir: “Birorta hokim o‘zida qancha mahsulot saqlash quvvati borligini ham, bor mablag‘larni ishlatishni ham bilmaydi” — prezident
Bunda, ushbu mablag‘larning yarmini naqd pulda ajratishga ruxsat beriladi. Buning uchun Bog‘dorchilik agentligiga qo‘shimcha 300 milliard so‘m ajratiladi. Moliya vazirligi, Qishloq xo‘jaligi vazirligiga meva-sabzavotchilikni kreditlashning mutlaqo yangi tizimini joriy qilish topshirildi.
Endilikda kartoshka, sabzavot, yog‘-moy ekinlari ekadigan klaster va dehqonlarga hosilni sug‘urtalash xarajatining 50 foizi davlat hisobidan qoplab beriladi. Buning uchun kelgusi bir yilda Qishloq xo‘jaligi jamg‘armasidan 50 milliard so‘m yo‘naltiriladi.
Bundan buyon paxta va g‘alladagi kabi oziq-ovqatga kredit berishda sug‘urta polisi kredit ta’minoti hisoblanadi. “Bu yangilik ko‘plab dehqonlarimizning ishini yurgizib, Qishloq xo‘jaligi jamg‘armasida ishlatilmay turgan 700 milliard so‘mdan samarali foydalanishga imkoniyat yaratadi”, — dedi prezident.
Izoh (0)