“Matritsa” filmi yulduzi, aktyor Kianu Rivz kutilmaganda ikki notanish insonning to‘yida mehmon bo‘ldi. Bu haqda Daily Mail nashri xabar berdi.
Hozirda 35 yoshda bo‘lgan Jeyms va 34 yoshli Nikki Rodnayt nikoh to‘yini mashhur aktyor to‘xtagan mehmonxonada, ya’ni Buyuk Britaniyaning Nortgemptonshir shahridagi Fawsley Hall mehmonxonasida nishonladi.
Jeyms mehmonxonada “Matritsa” yulduzini ko‘rib qoladi va uni nikoh to‘yiga taklif qiladi.
“Turmush o‘rtog‘im Kianu Rivzni barda ko‘rib qoldi va unga turmush qurayotganini aytdi. U Kianuning oldiga borib salomlashdi va xohlasa, biz bilan ichishni taklif qildi. U juda samimiy edi va keyinroq bizga qo‘shilishini aytdi. Biz o‘shanda u rozi bo‘ladimi yoki yo‘qmi, bilmasdik ”, — deydi Nikki.
Natijada, Kianu haqiqatan ham to‘yga boradi. “Men bu Kianu Rivz ekaniga ishonolmadim”, — deb eslaydi Nikki. Uning so‘zlariga ko‘ra, aktyor yoqimli va yoqimtoy ko‘rinishga ega inson.
“U bizni to‘yimiz bilan tabriklaganida juda mehribon va samimiy edi. Shunchalik mehribon ediki, u suratga tushishga rozilik berdi va bizning to‘ydagi suratkashimiz ham uni suratga olishga muvaffaq bo‘ldi. U, shuningdek, ba’zi mehmonlarimiz bilan suhbatlashish va ko‘proq suratga tushish uchun vaqt ajratdi”, — deydi Roudnayt.
Ma’lumot uchun, Kianu Rivz Buyuk Britaniyaga “Formula 1” poygalari haqida hujjatli film suratga olish uchun kelgan.
Aktyor to‘ylarda birinchi marta kutilmagan mehmon bo‘layotgani yo‘q. U 2018-yilda u Kaliforniyaning Santa-Kruz shahridagi uch yulduzli Dream Inn mehmonxonasida bo‘lgan vaqtda Lesli va uning turmush o‘rtog‘i Jarrodning to‘yida ishtirok etgan. Leslining onasi Darlett aktyorning ashaddiy muxlisi bo‘lgan.
Mavzuga doir:
- Kianu Rivz “Matritsa” filmidan olgan gonorarining 70 foizini nimaga sarflagani haqida so‘zlab berdi.
- Ismini o‘zgartirmoqchi bo‘lgan Kianu Rivz, ilmiy maqolalar yozgan Natali Portman. Hatto eng ashaddiy muxlislarga ham noma’lum bo‘lgan mashhurlar bilan bog‘liq faktlar
- Hayot sinovlaridan tabassum qilishni unutgan aktyor: Kianu Rivzni “Dunyodagi eng g‘amgin inson”ga aylantirgan hikoya
- Hotamtoy aktyor: Kianu Rivz kaskadyorlariga minnatdorchilik sifatida Rolex soatini sovg‘a qildi
Izoh (0)