«Матрица» фильми юлдузи, актёр Киану Ривз кутилмаганда икки нотаниш инсоннинг тўйида меҳмон бўлди. Бу ҳақда Daily Mail нашри хабар берди.
Ҳозирда 35 ёшда бўлган Жеймс ва 34 ёшли Никки Роднайт никоҳ тўйини машҳур актёр тўхтаган меҳмонхонада, яъни Буюк Британиянинг Нортгемптоншир шаҳридаги Fawsley Hall меҳмонхонасида нишонлади.
Жеймс меҳмонхонада «Матрица» юлдузини кўриб қолади ва уни никоҳ тўйига таклиф қилади.
«Турмуш ўртоғим Киану Ривзни барда кўриб қолди ва унга турмуш қураётганини айтди. У Kиaнунинг олдига бориб саломлашди ва хоҳласа, биз билан ичишни таклиф қилди. У жуда самимий эди ва кейинроқ бизга қўшилишини айтди. Биз ўшанда у рози бўладими ёки йўқми, билмасдик », — дейди Никки.
Натижада, Kиaну ҳақиқатан ҳам тўйга боради. «Мен бу Киану Ривз эканига ишонолмадим», — деб эслайди Никки. Унинг сўзларига кўра, актёр ёқимли ва ёқимтой кўринишга эга инсон.
«У бизни тўйимиз билан табриклаганида жуда меҳрибон ва самимий эди. Шунчалик меҳрибон эдики, у суратга тушишга розилик берди ва бизнинг тўйдаги сураткашимиз ҳам уни суратга олишга муваффақ бўлди. У, шунингдек, баъзи меҳмонларимиз билан суҳбатлашиш ва кўпроқ суратга тушиш учун вақт ажратди», — дейди Роуднайт.
Маълумот учун, Киану Ривз Буюк Британияга «Формула 1» пойгалари ҳақида ҳужжатли фильм суратга олиш учун келган.
Актёр тўйларда биринчи марта кутилмаган меҳмон бўлаётгани йўқ. У 2018 йилда у Калифорниянинг Санта-Круз шаҳридаги уч юлдузли Dream Inn меҳмонхонасида бўлган вақтда Лесли ва унинг турмуш ўртоғи Жарроднинг тўйида иштирок этган. Леслининг онаси Дарлетт актёрнинг ашаддий мухлиси бўлган.
Мавзуга доир:
- Киану Ривз «Матрица» фильмидан олган гонорарининг 70 фоизини нимага сарфлагани ҳақида сўзлаб берди.
- Исмини ўзгартирмоқчи бўлган Киану Ривз, илмий мақолалар ёзган Натали Портман. Ҳатто энг ашаддий мухлисларга ҳам номаълум бўлган машҳурлар билан боғлиқ фактлар
- Ҳаёт синовларидан табассум қилишни унутган актёр: Киану Ривзни «Дунёдаги энг ғамгин инсон»га айлантирган ҳикоя
- Ҳотамтой актёр: Киану Ривз каскадёрларига миннатдорчилик сифатида Rolex соатини совға қилди
Изоҳ (0)