Эбру Шаҳин Америкага кўчиб кетмоқда, Xанде Эрчел Disney билан шартнома имзолади. Турк киноси янгиликлари (фото)

Турк актёрлари ҳамда актрисалари ҳаётида рўй бераётган янгиликлар, уларнинг келгусидаги режалари ва кутилаётган лойиҳалари ҳақидаги маълумотларни эътиборингизга ҳавола этамиз.

Яқинда турмушга чиққан ва АҚШда яшашни режалаштирган Эбру Шаҳин актёрлик фаолиятини ватанида давом эттирмоқчи. Катта эҳтимол билан у икки мамлакатда яшаши мумкин. Актриса янги лойиҳада иштирок этиш учун келишув ишларини олиб бормоқда. Танлаш учун имконият бор — унга фильм, рақамли ва телесериаллардан роллар таклиф этилмоқда.

Маълумотларга кўра, «Қопқон»да иштирок этиш учун келишувлар олиб борган Бенсу Сорал лойиҳада рол ўйнашдан бош тортган. Аммо бошқа манбаларга кўра, актриса Акин Акинозюнинг партнёрини ижро этади. Шунингдек, актёрлар таркибида Талат Булутнинг партнёри Илайда Чевик ҳам бор.

Ханде Эрчел Disney+ рақамли платформаси билан шартнома имзолади, аммо ҳозирча унинг рақамли лойиҳалари ҳақида ҳеч қандай хабар йўқ. Сўнгги маълумотларга кўра, Ханде Рахул Мишранинг пандемия сабабли қолдирилган веб-лойиҳасида иштирок этади. Рахул Мишра 2014 йилда Милан мода ҳафталигида Халқаро Wооkmark Priza мукофотини қўлга киритган ва ушбу мукофотни қўлга киритган биринчи ҳинд дизайнери ҳисобланади. Актриса лойиҳада суратга тушиш учун Мумбайга боради.

Юлдузли жуфтлик Бурак Ўзчивит ҳамда Фаҳрие Эвженнинг фарзанди яна биттага кўпайиш арафасида. Яқинда ҳамиша мухлислар эътиборида бўлган жуфтликнинг туғилажак фарзанди эгизаклиги ҳақда янгиликлар пайдо бўлди. Аммо бўлажак ота-она эгизаклар ҳақидаги миш-мишларни рад этиб, Фаҳриенинг тўрт ойлик ҳомиласи ўғил экани ҳақда хабар берди.

Керем Бурсиннинг илк «Танлов» номли қисқа метражли фильми Parij Art & Movie Awards танловида «Энг яхши қисқа метражли фильм» номинацияси бўйича қатнашади.

Сўнгги маълумотларга кўра, Илҳан Шен туркиялик beIN CONNECT рақамли платформаси учун янги лойиҳани режалаштирмоқда. Бу Покистон ва Туркия кино ижодкорларининг ҳамкорликдаги иши бўлади. Лойиҳа 3 фаслга мўлжалланган бўлиб, жами 20 қисмдан иборат. Ҳозирда келишувлар олиб бораётган туркиялик актриса Гулсим Али унга партнёр бўлиши мумкин. Лойиҳанинг номи «Салоҳиддин Айюбий». Айюбийлар сулоласининг асосчиси Салоҳиддин ҳақидаги тарихий сериал. Сюжет тарихий маълумотларга асосланган, шунинг учун турк тарихчилари покистонлик тарихчилар ва тадқиқот муаллифлари ёрдамида сценарийни ёзишда қатнашган.

Салоҳиддин Исломнинг қудратли раҳбарларидан бири бўлиб, мусулмонлар салибчилар томонидан босиб олинган шаҳарни қайтариб олишни истаган Қуддус жанги пайтида у шаҳарда яшовчи насронийларга шафқат қилгани билан машҳур бўлган.

OGM Pictures кинокомпанияси янги лойиҳа тайёрламоқда, унинг режиссёри Жем Каржи. Бу Netflix’да намойиш этилган 2020 йилги немис-америкалик «Ғайритабиий» сериалини ремейки ҳисобланади. Ушбу кинокомпаниянинг барча лойиҳалари катта муваффақиятга эришган.

Асл манбада сюжет бўйича «Ғайритабиий» сериалида бош қаҳрамон ултра-православ яҳудий жамоасида яшовчи 19 ёшли қиздир. У турмушидан бахт топмай, онаси яшайдиган Берлинга қочиб кетади ва ҳаётини тузатишга ҳаракат қилади. Унинг эри хотинининг ҳомиладорлигини билиб, уни топиш учун Берлинга боради.

Турк киноси актёрлари муҳтожларга ёрдам бериш учун бир неча бор хайрия жамғармаларига маблағ ажратган. Ўзге Гурел ва Серкан Чаёғли саратон касаллигига чалинган болалар учун «Умид» жамғармасига хайрия қилганди. Тўйлари 2022 йил сентябр ойида бўлиб ўтадиган Берк Октай ва Йилдиз Чағри Атиской ҳам ушбу жамғармага хайрия қилмоқчи.

Қўшиқчи ва актёр Мурат Бўз эса AVVA X Murat Boz парфюмининг реклама кампаниясидан тушган барча маблағни ёшлар таълимини қўллаб-қувватлаш мақсадида хайрия жамғармасига ўтказди.