Лос-Анжелесдаги туманларнинг бирида аҳоли «Форсаж» фильмининг янги қисмини суратга олинишига қарши чиқди. Anjelino Heights аҳолиси ҳамжамиятининг вакиллари тинч митингга йиғилди. Deadline маълумотларига кўра, актёрлар ва экипажни кўплаб намойишчилар кутиб олган ва улардан кўча пойгалари, йўл ҳаракати қоидаларини бузишни тарғиб қилувчи фильм устида ишлашни тўхтатишини сўраган.
Намойишчиларнинг плакатларида кўча пойгаларида ҳалок бўлган одамларнинг фотосуратлари акс этган. «Кўча пойгаси инсонни ўлдиради», — дейди намойишчилар. Намойиш ҳокимият томонидан тингланди, шаҳар кенгаши вакиллари ва митинг иштирокчилари тез орада Лос-Анжелесдаги кўча пойгалари муаммолари, қонунларини муҳокама қилиш учун учрашади", — деб хабар бермоқда Insider.
Эслатиб ўтамиз, томошабинлар келаси йил «Форсаж» фильмининг якуний, яъни 10-қисмини кутмоқда. Яқинда ижтимоий тармоқларда режиссёр Жастин Лин бу сафар лойиҳани ташкиллаштиришда иштирок этмаслиги ҳақида миш-мишлар пайдо бўлди. Variety нашрининг хабар беришича, продюсерларга «Форсаж» фильмига янги режиссёр топиш учун бир ҳафта керак бўлди. Улар фильмнинг янги режиссёри сифатида Луи Летерерни танлади. Режиссёр «Ташувчи», «Ташувчи 2», «Ақл бовар қилмайдиган Халк», «Алдаш иллюзияси» ва «Қўриқчи Дани» каби фильмлари билан танилган.
Мавзуга доир:
- «Форсаж» юлдузи Пол Уокерга тегишли бўлган Nissan Skyлине сотувга қўйилди.
- Вин Дизель Дуэйн Жонсондан «Форсаж»га қайтишини сўради. Актёрлар франшизанинг 8-қисми суратга олиш жараёнида уришиб қолган эди.
- Кўз ёшларни тийиш мушкул: «Форсаж» юлдузлари Вин Дизель ва Пол Уокернинг дўстлик ҳикояси.
- «Форсаж» юлдузи Дуэйн Жонсон, Алек Болдуин билан боғлиқ фожиадан кейин суратга олиш жараёнида ҳақиқий қуролдан фойдаланмасликка қарор қилди.
Изоҳ (0)