“Fuqarolar qonun oldida teng bo‘lgan davlat”. Shavkat Mirziyoyev Yangi O‘zbekiston qanday bo‘lishi haqida gapirdi

Shavkat Mirziyoyev 31-avgust kuni O‘zbekiston mustaqilligining 31 yilligiga bag‘ishlangan bayram tadbirida mamlakat xalqiga tabrik bilan murojaat qilmoqda. Unda Yangi O‘zbekiston qanday bo‘lishi haqida gapirdi, deb xabar bermoqda “Daryo” muxbiri.

“Bizning maqsadimiz aniq va ravshan. Yangi O‘zbekiston:

• har bir fuqaroning hayotini yanada yaxshilash maqsadida davlat xizmatlaridan foydalanish uchun keng imkoniyatlar beradigan;
• odamlar o‘z muammolari haqida ochiq gapirishi va ularning yechimi uchun birgalikda harakat qilishlariga barcha sharoitlar mavjud bo‘lgan;
• hamma uchun adolatni so‘zsiz ta’minlash imkoniyatini beradigan hamda fuqarolari ijtimoiy mavqeidan qat’i nazar, qonun oldida teng bo‘lgan;
• tadbirkorlikning rivojlanishi uchun zarur sharoitlar yaratilgan davlat, desak, mubolag‘a bo‘lmaydi.