Turk kino olamida o‘z o‘rniga ega bo‘lgan aktrisa Demet O‘zdemir va musiqachi O‘guzxan Kochning to‘yi 2022-yilning 26-avgust kuni bo‘lib o‘tishi kerak edi, biroq mehmonlar nikoh oqshomi boshlanmasidan biroz oldin to‘y o‘sha kuni bo‘lmasligini bilgan. Ob-havo sharoiti tufayli to‘y marosimi 28-avgust, yakshanba kuniga ko‘chirildi. Nikoh marosimi Istanbuldagi besh yulduzli Six Senses Kocatas Mansions mehmonxonasida, ochiq havoda o‘tkazilishi rejalashtirilgan edi, ammo kuchli yomg‘ir nikoh oqshomini buzish ehtimoli ham bo‘lgan. Shuning uchun to‘y uchun yana bir kun belgilashga qaror qilindi.
Demet O‘zdemir va O‘guzxan Koch 28-avgust kuni turmush qurdi. Demet turk ommaviy axborot vositalarining biriga bergan intervyusida to‘yi kuni bayram qilishni rejalashtirmayotganini aytgan edi.
“Yozni ish bilan o‘tkazamiz, ta’tilga chiqa olmasligimiz ham mumkin. Suratga olish jarayonlari ko‘p bo‘lsa, tugallanmagan ish jarayonlari o‘rtasida to‘y qilishni xohlamaymiz. Bu haqda o‘ylab ko‘ramiz. Vaziyat qanday bo‘lishini kuzatamiz. Hozircha aniq emas. Biz bu kunni faqat yaqin do‘stlar va qarindoshlar bilan baham ko‘rishni xohlaymiz ”, — degan edi aktrisa.
Juftlik yaqinlari, do‘stlari va muxlislarini xursand qilish uchun yorqin bayram uyushtirdi. To‘y marosimidan olingan suratlar esa e’lon qilindi. Aktrisa to‘y marosimida uch xil obrazda paydo bo‘ldi. Uning birinchi obrazi bir qarashda oddiy ko‘rinadi, biroq u haqiqatan ham kelinga mos keladi. Ushbu ko‘ylak Eda Gyungor kiyimlar muzeyi stilistlari tomonidan yaratilgan.
To‘y marosimining rasmiy qismidan so‘ng Demet to‘y libosini o‘zgartirib, butunlay boshqacha ko‘rinishga ega bo‘ldi. Ushbu libos Nihan Peker tomonidan yaratilgan.
Ammo uning uchinchi ko‘ylagining fotosuratlari topilmadi, turk matbuoti libosning ko‘k rangda ekani va kelinning sochlarida nafis bezaklar bo‘lganini yozgan. Katta ehtimol bilan bu Demet O‘zdemirning yana bir to‘y obrazi.
To‘yda kelin-kuyovning yaqinlari, do‘stlari, turk shou-biznes olamining ko‘plab mashhurlari ishtirok etdi. To‘yga 213 ming dollardan ortiq mablag‘ ketgani ma’lum qilingan.
Barcha mehmonlar juftlikni turmush qurgani bilan tabrikladi va bundan tashqari qo‘shiq aytib raqsga tushishdi. Nikoh oqshomi tantanali tarzda bo‘lib o‘tdi.
O‘guzxan va Demet ushbu maxsus kunni yanada mazmunli qilish uchun saraton kasalligiga chalingan bolalarni qo‘llab-quvvatlovchi bolalar jamg‘armasiga xayriya qildi.
Mavzuga doir:
- Demet O‘zdemirdan Xande Erchelgacha: Turkiyaning eng go‘zal aktrisalaridan yuz parvarishi bo‘yicha tavsiyalar.
- Turk seriallari yulduzi Demet O‘zdemir turmushga chiqmoqda.
- “Yil ayoli”ga nomzod Xande Erchel, bahorda ekranlarga qaytishga va’da bergan Demet O‘zdemir. Turk kinosi yangiliklari.
- Riki Martin Demet O‘zdemirning folloveriga aylandi, Kenan Imirzalio‘g‘lu ota bo‘ladi. Turk kinosi yangiliklari.
Izoh (0)