Болливуднинг энг бадавлат актёрларидан бири Митҳун Чакрабортининг гонорари ҳамда молиявий аҳволи ҳақидаги маълумотлар ошкор қилинди

Митҳун Чакраборти Ҳиндистоннинг энг бой актёрларидан бири ҳисобланади, деб ёзади «Кино Афиша».

72 ёшни қарши олган машҳур актёр Митҳун Чакраборти фаолияти давомида 300 дан ортиқ фильмларда рол ўйнаган бўлса-да, «Диско раққоси» ва «Ўйна, ўйна» фильмлари унга шуҳрат келтирди. Кутилмаган шон-шуҳрат уни нафақат энг машҳур ҳинд актёрига, балки бадавлат инсонга ҳам айлантирди. Ҳозирда Чакрабортининг даромади 40 миллион долларга баҳоланмоқда.

Митҳун фильмларда суратга тушишдан оладиган гонорар ҳисобига кун кечиради, кино лойиҳаларини ишлаб чиқариш ва ўзининг меҳмонхоналар тармоғини ривожлантириш орқали пул ишлаб топади. Бундан ташқари, у турли ток-шоуларда иштирок этиши туфайли ҳам яхши маош олади. Мисол учун, бир мавсумда Чакраборти «Ўйна, Ҳиндистон, ўйна» лойиҳасида ҳакам сифатида Ҳиндистон стандартлари бўйича 250 минг доллар ишлаб олди.

Унинг бутун мамлакат бўйлаб кўчмас мулки мавжуд. Митҳуннинг Мадх оролида жойлашган 60 сотихли майдонда катта уйи бор. У ерда актёр оиласи ва уй ҳайвонлари билан яшайди. Актёрнинг саройи 600 минг долларга баҳоланган. Маълумотларга кўра, Чакраборти Арабистон денгизидаги Мумбай шаҳрида квартира ва Утакаманд тоғли ҳудудида бунгалога эга.