Ukraina prezidenti Vladimir Zelenskiy urush boshlanganidan keyin Ukrainani qo‘llab-quvvatlagan taniqli chet elliklarni davlat mukofotlari bilan taqdirladi, deb yozadi Meduza.
“Vladimir Zelenskiy Ukrainaning do‘stlarini davlat mukofotlari bilan taqdirladi, ular bizni eng boshidan buyon qo‘llab-quvvatlab kelmoqda”, — deb yozdi Ukraina prezidenti ofisi rahbari Andrey Yermak. Taqdirlanganlar orasida AQSHning Rossiyadagi sobiq elchisi Maykl Makfol, dizayner Demna Gvasaliya, aktyorlar Shon Penn, Ben Stiller, Liv Shrayber, aktrisa Jessika Chesteyn bor.
Zelenskiyning ularni mukofotlash to‘g‘risidagi farmoni 23-avgustda imzolangan. Hujjatga muvofiq, Makfol, Gvasaliya, Penn, Stiller va Shrayber uchinchi darajali “Xizmatlari uchun” ordeni, Chesteyn esa uchinchi darajali knyaginya Olga ordeni bilan taqdirlangan.
Xuddi shu farmon bilan Zelenskiy AQSH davlat kotibi Entoni Blinken, Italiya bosh vaziri Mario Dragi, “Bayraktar” uchuvchisiz uchar qurilmalar ishlab chiqaruvchi kompaniyasi rahbari Xaluk Bayraktar va Imagine Dragons guruhi a’zolarini ham turli mukofotlar bilan taqdirladi.
Shon Penn, Ben Stiller, Liv Shrayber va Jessika Chesteyn Ukrainaga urush boshlanganidan keyin kelib ketgan, Demna Gvasaliya va Imagine Dragons guruhi ishtirokchilari esa Ukrainaning mamlakat uchun xayriya mablag‘lari yig‘ish bo‘yicha United24 davlat platformasining ambassadorlariga aylangan.
Mavzuga doir:
- “Xayolim ayollar va bolalarda”. Gollivud yulduzi Penelopa Krus ukrainaliklarni ko‘zda yosh bilan qo‘llab-quvvatladi
- “Millionlab odamlar xavf ostida”. Gollivud aktrisasi Keyt Blanshett Ukrainadagi urush haqida videomurojaat yo‘lladi
- Stiven King Rossiyada o‘z kitoblarini chop etmaslikka qaror qildi. U mamlakatda asarlari eng ko‘p nashr qilinadigan yozuvchi
Izoh (0)