Украина президенти Владимир Зеленский уруш бошланганидан кейин Украинани қўллаб-қувватлаган таниқли чет элликларни давлат мукофотлари билан тақдирлади, деб ёзади Meduza.
«Владимир Зеленский Украинанинг дўстларини давлат мукофотлари билан тақдирлади, улар бизни энг бошидан буён қўллаб-қувватлаб келмоқда», — деб ёзди Украина президенти офиси раҳбари Андрей Ермак. Тақдирланганлар орасида АҚШнинг Россиядаги собиқ элчиси Майкл Макфол, дизайнер Демна Гвасалия, актёрлар Шон Пенн, Бен Стиллер, Лив Шрайбер, актриса Жессика Честейн бор.
Зеленскийнинг уларни мукофотлаш тўғрисидаги фармони 23 августда имзоланган. Ҳужжатга мувофиқ, Макфол, Гвасалия, Пенн, Стиллер ва Шрайбер учинчи даражали «Хизматлари учун» ордени, Честейн эса учинчи даражали княгиня Ольга ордени билан тақдирланган.
Худди шу фармон билан Зеленский АҚШ давлат котиби Энтони Блинкен, Италия бош вазири Марио Драги, Bayraktar учувчисиз учар қурилмалар ишлаб чиқарувчи компанияси раҳбари Халук Байрактар ва Imagine Dragonс гуруҳи аъзоларини ҳам турли мукофотлар билан тақдирлади.
Шон Пенн, Бен Стиллер, Лив Шрайбер ва Жессика Честейн Украинага уруш бошланганидан кейин келиб кетган, Демна Гвасалия ва Imagine Dragonс гуруҳи иштирокчилари эса Украинанинг мамлакат учун хайрия маблағлари йиғиш бўйича United24 давлат платформасининг амбассадорларига айланган.
Мавзуга доир:
- «Хаёлим аёллар ва болаларда». Голливуд юлдузи Пенелопа Крус украиналикларни кўзда ёш билан қўллаб-қувватлади
- «Миллионлаб одамлар хавф остида». Голливуд актрисаси Кейт Бланшетт Украинадаги уруш ҳақида видеомурожаат йўллади
- Стивен Кинг Россияда ўз китобларини чоп этмасликка қарор қилди. У мамлакатда асарлари энг кўп нашр қилинадиган ёзувчи
Изоҳ (0)