Ukraina Qurolli kuchlari bo‘linmalari Donbassning “Lepestok” piyodalarga qarshi minalari bilan o‘z nazorati ostidagi hududlarni minalashtirmoqda. Bu haqda Lugansk Xalq Respublikasi (LXR) xalq militsiyasi xodimi Andrey Marochkoga tayanib, “TASS” xabar bermoqda.
Marochkoning so‘zlariga ko‘ra, Ukraina qo‘shinlari Donbassning o‘z nazorati ostidagi yirik shaharlari aglomeratsiyalarida joylashgan kichik aholi punktlarini ham minalashtirmoqda. Bu Rossiya Qurolli kuchlari va Donetsk Xalq Respublikasi (DXR) va LXR kuchlari hujumining oldini olish maqsadida amalga oshirilmoqda.
Iyul oyining oxiridan beri Ukraina qo‘shinlari DXR aholi punktlarini “Lepestok” minalari bilan jihozlangan raketalardan faol ravishda o‘qqa tutmoqda.
DXR hududiy mudofaa shtabining ta’kidlashicha, 29-avgust holatiga ko‘ra, bunday minalardan respublikada tinch aholi vakillari, jumladan, ikki nafar bola portlashi bilan bog‘liq 58 ta holat qayd etilgan. Jabrlanganlardan biri vafot etgan.
Izoh (0)