London ICE birjasidagi savdolar natijasida gaz narxi 1 ming kub metr uchun 2,9 ming dollargacha pasaydi. Bu haqda “Kommersant” xabar bermoqda.
Savdoning ertalabki ochilishidan buyon fyucherslar narxi deyarli 17 foizga tushdi.
Savdolar ochilishida eng yaqin gaz fyucherslari 1 ming kub metr uchun 3131,9 dollarga sotildi. Savdo davomida 1 ming kub metr gazning narxi 2773 dollarni tashkil qildi.
Savdolar yakunida gaz narxi 1 ming kub metr uchun 2915,3 dollarni tashkil qildi. Kun davomida gaz narxi 16,8 foizga arzonlashdi.
Rejadan tashqari ta’mirlash ishlari tufayli “Shimoliy oqim” orqali gaz yetkazib berish to‘xtatilgani haqidagi xabarlar fonida 0’tgan hafta Yevropada gaz narxi 1 ming kub metr uchun 3500 dollarga yetdi.
26-avgustga kelib gaz narxi pasaya boshladi. Bu yer osti gaz omborlarini tez to‘ldirish bilan bog‘liq.
Izoh (0)