2022-yil birinchi yarmida aksiz solig‘i tushumlari o‘tgan yilning shu davri bilan solishtirganda 241 mlrd so‘mga oshdi va 6,5 trln so‘mni tashkil etdi. Bu haqda Moliya vazirligining davlat budjeti daromadlarining ijrosi bo‘yicha dastlabki natijalaridan ma’lum bo‘ldi.
Tushumlarning oshishi, aksiz solig‘i bo‘yicha stavkalarning o‘tgan yilning shu davriga nisbatan o‘rtacha 10 foizga, xususan tamaki mahsulotlari, alkogol mahsulotlari va yakuniy iste’molchiga benzin, dizel yoqilg‘isi va gazni realizatsiya qilish bo‘yicha oshirilishi hisobiga ta’minlandi.
Bojxona organlari ma’murchiligida aksiz solig‘i tushumlari 151 mlrd so‘mni tashkil etdi, bu o‘tgan yilning shu davriga nisbatan 16,1 mlrd so‘mga kam.
Neft mahsulotlariga nisbatan aksiz solig‘i 2021-yilga qaraganda 35 mlrd so‘mga oshib 255,3 mlrd so‘mga yetdi. Tabiiy gaz bo‘yicha bu ko‘rsatkich 0,2 trln so‘mga o‘sdi va 2,4 trln so‘mni tashkil qildi.
Aksiz to‘lanadigan tovarlar importi hajmining qisqarishi hisobiga, soliq tushumi benzin bo‘yicha 34,9 mlrd so‘mga, dizel yoqilg‘isi bo‘yicha 9 mlrd so‘mga va sigaretalar bo‘yicha 14,9 mlrd so‘mga qisqardi.
Import qilishda undiriladigan aksiz solig‘i kamayib, 167,2 mlrd so‘mdan 151,1 mlrd so‘mga tushib ketdi. Bundan tashqari mobil aloqa xizmatlarida ham bu ko‘rsatkich 111,7 mlrd so‘mga kamaydi.
Izoh (0)