Jahon kino tarixida qaysi liboslar eng qimmatbaho ekani haqida ma’lumot beramiz.
“Oz mamlakati sehrgari” (1939)
Bu kamtarona ko‘k va oq rangdagi katakli ko‘ylak kino tarixidagi eng qimmat liboslardan biri, deb kim o‘ylabdi deysiz. “Oz mamlakati sehrgari” filmi qahramoni Judi Garlen libosini mashhur Gollivud liboslari dizayneri Adrian Grinberg yaratgan.
Bundan tashqari, u “Buyuk Zigfeld“ (1936), “Xonimlar” (1936) va “Mariya Antuanetta ”(1938) filmlari uchun ham uchun liboslar yaratgan. Ammo Dorotining libosi eng esda qolarli bo‘lganga o‘xshaydi. Oddiyligiga qaramay, uni yaratish uchun dizaynerga uch mingdan ortiq eskiz kerak bo‘ldi. Shu bilan birga, ko‘pchilik uning qanchalik yomon tikilganligini ham aytadi.
Yaqindan qaralsa, choklar notekis ekanligi ayon bo‘ladi. Ba’zilar buni ataylab qilingan deb ta'kidlashi mumkin, chunki dehqon qizining libosi boshqacha qilib tikilishi mumkin emas edi. Ammo detallar Adrianning ko‘zidan o‘tib ketgan bo‘lsa kerak, ayniqsa oddiy kostyumda. Uning sevimli aktrisalari Ketrin Xepbern va Joan Krouford uchun yaratgan ipak xalatlaridan butunlay farq qiladi, deb yozadi dizaynerning zamondoshlari.Tanqidlarga qaramay, libos 2015-yilda 1,5 million dollarga sotilgan.
Filmdagi Doroti obrazi uchun nafaqat ko‘ylak, balki poyabzal ham yaratilgan – film uchun maxsus to‘rt juft poyabzal tikilgan.
Ikkitasi darhol shaxsiy kolleksiyalarga sotiladi. Qolgan ikkitasidan biri Judi Garland muzeyidan o‘g‘irlangan. Ikkinchisi Kinoakademiya muzeyida saqlanadi.
“Tiffanidagi nonushta” (1961)
Odri Xepbernning qora libosi fransuz dizayneri Yuber de Jivenshi tomonidan yaratilgan. Va bu ko‘ylak qahramonning xarakterini juda yaxshi ochib bergan. Aytishlaricha, bu kiyim bir vaqtning o‘zida 1960-yillardagi Nyu-Yorkning aqldan ozdiruvchi ruhini ifodalagan. Sodda va eksantrik qiz — Xolli Golaytli roli Xepbern uchun toza havodek gap edi — u aktrisaga jiddiy qahramonlar rolidan uzoqlashishga imkon berdi.
Odrining o‘zi Yuber de Jivenshi bilan do‘st edi. Dizayner Tiffanidagi nonushta” filmi uchun libosning bir nechta nusxasini yaratdi. Aktrisaning o‘limidan so‘ng dizayner ulardan birini Xepbern qo‘llab-quvvatlagan City of Joy Aid xayriya fondiga topshiradi. 2006-yilda yana bir kiyim kimoshdi savdosiga qo‘yiladi va 900 ming dollarga sotiladi.
“Mening ajoyib xonimim” (1964)
Birinchidan, Sesil Biton teatr uchun liboslar yaratgan — u Ledi Uindermerning fanatining Brodvey spektaklida, keyin esa “Mening ajoyib xonimim” musiqiy filmida ishlagan. Dizaynerning iste’dodi sezilib, Gollivudda liboslar dizayneri sifatida ishlashga taklif qilinadi. Aynan Biton “Mening ajoyib xonimim” filmidagi qahramon Odri Xepbern uchun ipakdan to‘rli ko‘ylak yaratadi. Libosning tuyaqush patlari va gullar bilan bezatilgan shlyapasi ham bo‘lgan. Biton bu ishi uchun Akademiya mukofotiga sazovor bo‘ladi. Keyinchalik ko‘ylak kolleksionerga 3,7 million dollarga sotilgan.
“Titanik” (1997)
Mashhur Gollivud liboslari dizayneri Debora Lin Skott jamoasi Rouz (Keyt Uinslet)ning sevimli bazm libosini yaratgan. Debora va boshqa dizaynerlar “Titanik” voqealari qaysi davrga tegishli ekanligini o‘rganishadi. Uning so‘zlariga ko‘ra, bu kiyim qanday uslubda bo‘lishi kerakligini tushunishga yordam berardi. Rouz libosi to‘g‘ri siluet va uzun korsetli Edvard modasining namunasidir. O‘sha paytda kalta yengli ko‘ylaklar kiyilgan. Orqasi — albatta, shleyf bo‘lgan. Mazkur libosni yaratish uchun taxminan 1000 soat kerak bo‘lgan.
2012-yilda mashhur libosni anonim xaridor 330 ming dollarga sotib olgan.
“Dyuna” (2021)
“Zamonamizning eng qimmatbaho libosi” deydi qahramon Rebekka Fergyusonning libosi haqida “Dyuna” filmi ijodkorlari. Ammo narxi oshkor etilmagan.
Jaklin Uest tomonidan yaratilgan libos uchun zargarlik buyumlari bir necha oy davomida qo‘lda yaratilgan. Munchoqlar shodasining har biri “Dyuna” filmining liboslar bo‘yicha dizaynerlaridan biri tomonidan to‘qilgan. Kiyimni yaratishda Kristobal Balensiaga ishidan ilhomlanilgan.
Izoh (0)