Бирлашган Миллатлар Ташкилотининг ядровий назорат бўйича 14 нафар экспертидан иборат гуруҳ шу ҳафта Украина жануби-шарқидаги Запорожье атом электр станциясига режалаштирилган ташриф олдидан Киевга етиб келди. Бу ҳақда CNN нашрига таяниб, «Коммерсантъ» хабар бермоқда.
Миссияга Атом энергияси бўйича халқаро агентлик (МАGATE) бош директори Рафаэл Гросси бошчилик қилмоқда.
CNN маълумотларига кўра, бугун эрталаб МАGATE делегацияси аъзоларини Киевдаги меҳмонхоналардан бирида кўришган.
Ташриф Запорожье атом электр станциясининг қайта ўққа тутилиши ва эҳтимолий ядровий авария хавфи ортиб бораётган бир пайтда амалга оширилмоқда.
МАGATE станцияга ташриф чоғида тўпланган фактлар, ядровий хавфсизлик ва хавфсизликка оид таҳдидларни мустақил баҳолаши зарур», — дейилади делегация баёнотида.Аввалроқ The Wall Street Journal нашри МАGATEнинг Запорожье АЭСдаги миссияси 31 августдан 3 сентябргача бўлиб ўтишини маълум қилган эди.
Россия президенти матбуот котиби Дмитрий Песков, Россия томони МАGATEни текширишдан манфаатдор эканини айтди. У миссияни тайёрлашда Россия ҳам иштирок этганини қайд этди. Унинг сўзларига кўра, музокараларда Россия томони, жумладан, ҳарбийлар ҳам иштирок этмоқда.
Изоҳ (0)