AQSH Federal saylov komissiyasiga 2024-yilgi ovoz berish jarayonlarida Jo Baydenning saylovoldi kampaniyasini qo‘llab-quvvatlovchi harakatni ro‘yxatdan o‘tkazish bo‘yicha so‘rov kelib tushdi, deb yozmoqda “RIA Novosti” tegishli hujjatga tayanib.
Ma’lumotlarga ko‘ra, gap 26-avgust kuni ro‘yxatdan o‘tish uchun ariza topshirgan Biden for president harakati haqida bormoqda. Qayd etilishicha, hujjatda 2024-yilgi saylovlarda asosiy nomzodlar sifatida Bayden va AQSH vitse-prezidenti Kamala Xarris ko‘rsatilgan. Biroq amaldagi prezidentning qaysi partiyadan nomzodini ko‘rsatishi hozircha aniq emas.
Daily Mail xabariga ko‘ra, Baydenni qo‘llab-quvvatlovchi harakatdan ariza kelib tushishi siyosatchining o‘zi bir necha bor ta’kidlab o‘tgan ikkinchi muddatga saylanish rejalarining yana bir tasdig‘idir. Shu bilan birga, nashrning ta’kidlashicha, so‘nggi paytlarda Demokratik partiya prezidentning reytingi pastligi bois uning xohish-irodasiga shubha bilan qaramoqda.
Izoh (0)