Zelenskiy Ukrainani tiklash uchun qancha pul kerak ekanini aytdi

Ukraina prezidenti Vladimir Zelenskiyning fikricha, mamlakat infratuzilmasini tiklash uchun 600–800 milliard dollar kerak bo‘ladi. Bu haqda “5-kanal” xabar bermoqda.

Tahlillarga asosan keltirilgan zarar oqibatlari shunday hajmda baholanmoqda. “Hamma narsani qayta tiklash uchun taxminan shunday summa kerak bo‘ladi”, — deya Zelenskiyning  so‘zlarini keltiradi telekanal.

Ukraina prezidenti, shuningdek, hozirda bu maqsadlar uchun sarflangan xarajatlar ko‘lamini aniqroq baholash qiyinligini, chunki jangovar harakatlar hali yakunlanmaganini ta’kidladi. Shuning uchun, uning so‘zlariga ko‘ra, eng zarur infratuzilmani maqsadli tiklashga ketadigan kichikroq mablag‘lar haqida gapirish kerak.

“Men hozir e’tiborimni ma’lum infratuzilmani, jumladan, ta’lim, port, transport va turar joylarni tiklashga qaratgan bo‘lardim”, — dedi Zelenskiy.

Mavzuga doir: 

• Zelenskiy urush boshlanganidan keyin Ukrainaga kelgan Gollivud aktyorlarini mukofotladi
• Zelenskiy xavfsizlik kuchlari bilan frontdagi vaziyat yuzasidan maxfiy majlis o‘tkazdi
• Zelenskiy bu yil Ukraina tarixidagi eng og‘ir qish bo‘lishidan ogohlantirdi