Telegram asoschisi Pavel Durov Telegram-kanallarining bir yil davomida foydalanilmayotgan barcha ochiq manzillarini o‘chirib tashlaganini ma’lum qildi. Bu haqda “Gazeta.ru” xabar bermoqda.
Messenjer asoschisining so‘zlariga ko‘ra, barcha taxalluslardagi bunday manzillarning taxminan 70 foizi eronlik kiberskvatterlarga tegishli. Bu haqda u o‘zining Telegram-kanalida aytib o‘tgan.
Durovning ta’kidlashicha, eronlik kiberskvatterlar tomonidan foydalanilmagan nomlarni zaxiraga qo‘yish “o‘lik foydalanuvchi nomlari qabristonini” yaratib, Telegram foydalanuvchilari uchun o‘z akkauntlari, guruhlari va kanallari uchun taxallus tanlashni qiyinlashtirgan.
Biroq, messenjer ma’muriyati, avgust oyi boshida faol bo‘lmagan taxalluslarni olib tashlashni boshlagan.
Shuningdek, Durov messenjerni ishlab chiquvchilar bekor qilingan manzillarning 99 foizini bosqichma-bosqich jamoatchilikka qaytarishiga va’da berdi.
Qisqa va qimmatli foydalanuvchi nomlariga kelsak, ularni tarqatishning eng samarali va adolatli usuli bu auksion orqali ko‘rinadi, bu haqda men avvalgi ham aytib o‘tgandim. Shunday qilib, bunday havolalarni sotib olgan foydalanuvchilar ulardan o‘z manfaati yo‘lida foydalanishga undaydi”, — deydi Durov.Durovning fikricha, foydalanuvchi nomlarini sotib olish ularning egalarini original kontentga ega yanada qiziqarli kanallar yaratishga undaydi.
Bundan tashqari, Telegram asoschisi messenjerning yangi funksiyalarini ma’lum qildi. Endi kanallar va profillarga odatiy havolalar bilan bir qatorda, foydalanuvchilar, masalan, t.me/Daryo, Daryo.t.me URL ko‘rinishida havolalarni joylashtirishi mumkin bo‘ladi.
Izoh (0)