Yevropada gaz narxi ming kub metr uchun taxminan 3 050 dollarni tashkil qildi. Bloomberg tahlilchilari resurs narxining pasayishini Yevropadagi gaz omborlarini tez to‘ldirish haqidagi xabarlar bilan izohlamoqda.
Agentlik materialida Germaniya Iqtisodiyot vaziri Robert Xabekning bayonoti keltiriladi, u federal hukumatning kelgusi oyning boshida gaz omborlarini 85 foizga to‘ldirish rejalarini e’lon qildi.
Oktyabr oyidagi 85 foizlik ko‘rsatkichga sentyabr oyining boshiga qadar erishish kerak, — deyiladi memorandumda.
2022-yilda “Gazprom”ning MDHdan tashqari davlatlarga eksporti 36,2 foizga kamaydi. Buning oqibatida gaz narxi keskin oshgan edi.
O‘tgan haftada spot gaz narxi ming kub metr uchun 3 500 dollargacha ko‘tarilgan edi. Rekord narx mart oyida qayd etilgan — 3 892 dollar.
Avvalroq “Gazprom” bu qishda Yevropada gaz narxi ming kub metr uchun rekord darajadagi 4 ming dollardan oshishini prognoz qilgan edi.
Izoh (0)