Toshkent shahar Mirzo Ulug‘bek tumanidagi hovli kimoshdi savdosida sotildi. Ma’lumotlar “E-auksion” portalida e’lon qilingan.
Auksion g‘olibi sifatida ustav fondi 950 mln so‘m bo‘lgan Project Implementation kompaniyasi ko‘rsatilgan.
Lot auksionga fuqarolik ishlari bo‘yicha sud hukmi bilan Mirzo Ulug‘bek tuman MIB tomonidan joylashtirilgan edi. Ushbu 2 qavatli uy 6 xonadan iborat.
Yer uchastkasining umumiy maydoni — 0,11 gektar. Binoning maydoni — 456 kvadrat metr. Hovlida gaz, suv, elektr ta’minoti va kanalizatsiya tizimi mavjud.
Auksionga qo‘yilgan hovlining boshlang‘ich bahosi — 4,1 mlrd so‘m edi. Arizalar 29-avgust 09:00 ga qadar qabul qilindi. Savdolar xuddi shu kuni 10:00 da boshlanib, 12:12 da tugadi. Hovli 4,2 mlrd so‘mga sotildi.
Avvalroq Toshkent viloyatidagi “Piramida” dam olish maskani 208 mlrd so‘mga sotilgan edi.
Izoh (0)