AQSHning Florida shtatidagi plyaj minglab meduzalar bilan to‘lib-toshdi. Fotosuratchilardan biri noodatiy holatni videoga olish uchun o‘z dronidan foydalangan. Bu haqda ForumDaily xabar qilmoqda.
Qayd etilishicha, ikki pensakolalik fotograf Navarra plyajida meduzalar to‘plangani haqida eshitib, hodisa joyiga yetib borgan. Ulardan biri avtoturargohdan dron uchirgan. Sherigi esa syorfing taxtasida suvga tushgan.
Bir-birlariga meduzalarning ulkan to‘dasini topishga yordam berishayotganda, ular iskala yonida to‘planib qolgan bir to‘da meduzalarni payqab qolgan. Fotograflardan biri avval ham bu yerda bu turdagi jonzotlar borligini bilar, ammo bu darajada ko‘pligidan bexabarligini ma’lum qilgan.
“Bu juda ajoyib edi. Haqiqatga o‘xshamaydi”, — deydi u.
Olingan fotosuratlardan birida fotograflardan biri syorfing taxtasida meduzalar bilan o‘ralgan holda tasvirlangan. Uning so‘zlariga ko‘ra, u taxtada turishi bilanoq suvga tushib o‘lishi mumkinligini tushungan. Ammo baribir syorfing taxtasidan suv ostida suratga olgan.
https://www.instagram.com/reel/ChnwixMO6OD/?utm_source=ig_web_copy_link
“Bu dahshatli edi! Odatda hamma ham ko‘ra olmaydigan narsani ko‘rib, juda hayajonlandim”, — deya holatni tasvirlagan u.
Ta’kidlanishicha, fotograflar kelganidan keyin 45 daqiqa ichida meduzalar g‘oyib bo‘lgan.
Izoh (0)