АҚШнинг Флорида штатидаги пляж минглаб медузалар билан тўлиб-тошди. Фотосуратчилардан бири ноодатий ҳолатни видеога олиш учун ўз дронидан фойдаланган. Бу ҳақда ForumDaily хабар қилмоқда.
Қайд этилишича, икки пенсаколалик фотограф Наварра пляжида медузалар тўплангани ҳақида эшитиб, ҳодиса жойига етиб борган. Улардан бири автотураргоҳдан дрон учирган. Шериги эса сёрфинг тахтасида сувга тушган.
Бир-бирларига медузаларнинг улкан тўдасини топишга ёрдам беришаётганда, улар искала ёнида тўпланиб қолган бир тўда медузаларни пайқаб қолган. Фотографлардан бири аввал ҳам бу ерда бу турдаги жонзотлар борлигини билар, аммо бу даражада кўплигидан бехабарлигини маълум қилган.
«Бу жуда ажойиб эди. Ҳақиқатга ўхшамайди», — дейди у.
Олинган фотосуратлардан бирида фотографлардан бири сёрфинг тахтасида медузалар билан ўралган ҳолда тасвирланган. Унинг сўзларига кўра, у тахтада туриши биланоқ сувга тушиб ўлиши мумкинлигини тушунган. Аммо барибир сёрфинг тахтасидан сув остида суратга олган.
https://www.instagram.com/reel/ChnwixMO6OD/?utm_source=ig_web_copy_link
«Бу даҳшатли эди! Одатда ҳамма ҳам кўра олмайдиган нарсани кўриб, жуда ҳаяжонландим», — дея ҳолатни тасвирлаган у.
Таъкидланишича, фотографлар келганидан кейин 45 дақиқа ичида медузалар ғойиб бўлган.
Изоҳ (0)