Tashqi mehnat migratsiyasi agentligining Janubiy Koreyaning Kvanju shahridagi vakolatxonasi vakillari “DHMC Co.,Ltd.” kemasozlik tashkiloti vakillari bilan uchrashuv o‘tkazdi, deya xabar bermoqda Dunyo axborot agentligi.
Qayd etilishicha, muloqot chog‘ida E-7 vizasi asosida o‘zbekistonlik ishchilarni ushbu tashkilotga ishga jalb qilish istiqbollari bo‘yicha fikr almashilgan.
Uchrashuv yakunida Tashqi mehnat migratsiyasi agentligining Koreya Respublikasidagi vakolatxonasi hamda “DHMC Co.,Ltd.” kemasozlik tashkiloti o‘rtasida o‘zbekistonlik malakali mutaxassislarni E-7 vizasi asosida ushbu tashkilotga mehnat faoliyatiga jalb qilish bo‘yicha hamkorlik o‘rnatilgan.
Kelgusida mazkur tashkilotning ishlab chiqarish hajmidan kelib chiqqan holda, xorijiy ishchi kuchiga bo‘lgan talabi va tashkiliy masalalar bo‘yicha hamkorlikda ish olib borishga kelishilgan.
Tashkilot rahbariyati hozirda ushbu zavodda faoliyat yuritib kelayotgan o‘zbekistonlik mehnat migrantlarining ko‘nikmalarini yuqori baholashi alohida ta’kidlangan.
Izoh (0)