26 август куни AKFA Visitor Center’да компания мутахассислари қизиқиш билдирганларга алюмин композит панелларининг янгиланган моделлар туркумини намойиш этиб, уларнинг хусусиятлари ва материалдан фойдаланиш соҳалари билан таништирди. Шунингдек, FR А2 ёнмайдиган алюмин композит панелларининг янги тури анонс қилинди.
Кўп йиллардан бери AKFA алюмин композит панеллари ўзининг мустаҳкамлиги, узоқ хизмат қилиши, амалий жиҳатдан қулайлиги билан бозорда ишонч қозонган. Улар ҳар қандай фасадга замонавий қиёфа бахш этиш имконини беради, тез ва осон ўрнатилади, ҳамёнбоплиги билан ажралиб туради.
Қурилиш материаллари йўналишидаги раҳбарлар ва компаниянинг мутахассислари сўзлаган нутқида оловнинг қурилиш материалларга таъсирини ўрганишга, биноларни бунёд этишда инсонлар ҳимояси ва хавфсизлиги устуворлигига алоҳида эътибор қаратди.
Технолог-мутахассислардан бирининг айтишича, AKFA ёнмайдиган алюмин композит панелларининг ишлаб чиқарилиши асосида патентланган минерал тўлдиргич қўлланилиб, у полиетилен тўлдиргичдан фарқли равишда оловга чидамлиликнинг юқорироқ кўрсаткичига эга. Ўрта қатламнинг ўзига хос таркиби эса автоматик ёниб кетишни истисно қилади ва тутун ҳосил бўлиши даражасини салмоқли пасайтиради.
Маълумот учун, FR А2 AKFA ёнмайдиган алюмин композит панеллари «Хавфсизлик ва сифат» кўнгилли сертификация тизимида (Россия) G1 таснифи бўйича ҳамда Синовлар ва сертификация институтида (INSТITUТ PRО TESTOVÁНÍ А CЕRTIFIKACI) барча синовлардан мувафаққиятли ўтиб, натижаларга кўра маҳсулотга А2 ёнмаслик (олов билан тўқнашганда ёнмаслик) тоифаси берилди. Шунингдек, маҳсулот «ЎзСтандарт» агентлигининг мувофиқлик сертификатига эга.
Ҳамкорлик тармоғининг компания фаолиятига қизиқишини «савол-жавоб» сессияси очган бўлиб, жараёнда тадбиркорлар ўзаро танишиш, манфаатлар бирлашган нуқталарни топиш, мувафаққиятли лойиҳалар билан бўлишиш ва қурилиш материаллари соҳасини ривожлантиришнинг истиқболли режаларини муҳокама қилиш имкониятига эга бўлди.
Visitor Center бўйлаб экскурсия давомида ҳамкорлар ўз таклифларини билдириб, компания билан кенг кўламли ҳамкорликка тайёр эканликларини маълум қилди.
AKFA Group матбуот хизмати
Қўшимча маълумот учун телефон: (+998 71) 203-00-00Сайт: www.akfagroup.com
Реклама ҳуқуқи асосида.
Изоҳ (0)