Zaporojye viloyatining rossiyaparast ma’muriyati Zaporojye atom elektr stansiyasida (ZAES) avariya yuz bergan taqdirda aholini evakuatsiya qilish rejasini ishlab chiqdi. Rasmiylarning qayd etishicha, hozir stansiya normal rejimda ishlamoqda va radiatsiya darajasi normal.
“Kiyev rejimining ommaviy ritorikada fuqarolarim deb ataydigan odamlarga nisbatan ayyorligi, beparvoligi va shafqatsizligini bilgan holda, biz, albatta, vaziyatning har qanday rivojlanishiga tayyor edik va shuning uchun zarurat tug‘iganda aholini evakuatsiya qilish rejasini ishlab chiqdik”, — deya “RIA Novosti”ga ma’lum qildi Zaporojye viloyatining rossiyaparast ma’muriyati rahbari Yevgeniy Balitskiy.
Balitskiyning aytishicha, AES hududi 18-iyuldan beri deyarli har kuni o‘qqa tutilmoqda. Unga ko‘ra, o‘qqa tutish Ukraina qurolli kuchlari nazorati ostidagi hududdan amalga oshirilmoqda.
Mart oyi boshida Zaporojye AES to‘liq Rossiya harbiylari nazoratiga o‘tgandi. Avgust oyida Moskva va Kiyev muntazam ravishda bir-birini hududni o‘qqa tutishda ayblamoqda. MAGATE mutaxassislarining stansiyaga tashrifi muvofiqlashtirilmoqda.
Izoh (0)