Xarkov va Slavyanskda raketa zarbasi oqibatlari, Nikolayevda aholiga oziq-ovqat tarqatish. Urushning 185-kunidan fotoreportaj
Rossiya harbiylari 27-avgustga o‘tar kechasi Xarkov markazini o‘qqa tutdi: mahalliy rasmiylarga ko‘ra, yo‘llar, maktab va turar joy binolari shikastlandi, 61 yoshli ayol tan jarohati oldi. Energodar shahrining Rossiya tomonidan tayinlangan ma’muriyatiga ko‘ra, Ukraina qo‘shinlari shahar bo‘ylab 20 ta zarba yo‘llagan, shundan beshtasi Zaporojye AES hududiga kelib tushgan. Vladimir Putin Ukrainadan, shuningdek, DXR va LXRdan kelgan qochqinlar uchun oyiga 10 ming rubl miqdorida pensiya to‘lash to‘g‘risida farmonini imzoladi. Prezident Vladimir Zelenskiyning ma’lum qilishicha, Ukraina don bo‘yicha kelishuv imzolangach, million tonna oziq-ovqat mahsulotlari eksport qilgan. Meduza urushning 185-kuniga oid asosiy fotosuratlarni to‘pladi.
Donbass shimolidagi harbiy harakatlar va vayronalar
Ukraina artilleriya bo‘linmasi 220-millimetr kalibrli o‘ziyurar BM-27 “Uragan” baravar o‘t ochuvchi reaktiv tizimidan rossiyaliklarning Donetskdagi pozitsiyalari bo‘ylab o‘t ochmoqda (aniq joy oshkor etilmagan)Foto: AFP
Ukrainalik harbiylar Kramatorsk yaqinida okop qazimoqda. Bu yo‘nalishda, Ukraina qurolli kuchlari ma’lumotiga ko‘ra, Rossiya qo‘shinlarining Grigorovka qishlog‘i (DXR nazoratida) hududida boshlagan hujumi muvaffaqiyatsizlikka yuz tutgan. Grigorovkaga eng yaqin yirik shahar — Mariupol.Foto: Anadolu
Kramatorsk yaqinida okop qaziyotgan ukrainalik askarlarning harbiy anjomlari. Shahar Ukraina qurolli kuchlari nazoratida qolmoqda.Foto: Anadolu
Ukraina o‘t o‘chiruvchilari rossiyaliklarning Slavyanskdagi keramika zavodiga yo‘llagan raketa zarbasi oqibatlarini bartaraf etmoqda. Ukraina armiyasi nazoratida qolayotgan shahar 26-avgust tongida o‘qqa tutilgan. Hodisada qurbonlar bo‘lmagan.Foto: Reuters
O‘t o‘chiruvchilar Rossiya harbiylarining Slavyanskka yo‘llagan raketalari kelib tushgan hududda ishlamoqda.Foto: Anadolu
Slavyanskda Rossiya hujumidan vayron bo‘lgan keramika zavodining ko‘rinishi.Foto: Anadolu
Rossiyaning Slavyanskka zarbalari oqibatida yakson etilgan uy xarobalari orasida yotgan velosiped.Foto: Reuters
Slavyanskka raketa zarbasidan keyin aholining sochilib yotgan shaxsiy buyumlari va kiyimlari.Foto: Reuters
Nikolayev aholisiga oziq-ovqat tarqatish jarayoni
Nikolayevliklar World Central Kitchen tashkiloti tarqatayotgan gumanitar yordam uchun navbatda turibdi. 27-avgust kuni shahar yana rossiyalik harbiylar tomonidan o‘qqa tutildi. Zarbalar shahar atrofidagi hududlarga kelib tushgan, jabrlanganlar yo‘q.Foto: Reuters
World Central Kitchen tashkiloti ko‘ngillilari nikolayevliklarga yegulik tarqatmoqda. Nikolayev viloyati harbiy ma’muriyati rahbari Vitaliy Kimning fikricha, yaqin orada Rossiya Ukraina qurolli kuchlari himoyasida turgan mazkur shaharga hujum qila olmaydi.Foto: Reuters
Xarkov markaziga berilgan zarba oqibatlari
Kommunal xizmati xodimlari Xarkov markazidagi rus raketasi kelib tushgan joyda ishlamoqda. Zarbalar Kiyev va Osnovyanskiy rayonlariga yo‘llangan. Yo‘l va turar joylar, shuningdek tarixiy bino — bir necha yil muqaddam ta’mirdan chiqqan savdogar Adam Piotrovskiy uyi ham shikastlangan. Bundan tashqari, shahar markazidagi maktab ham zararlangan. Snaryad parchalaridan biri kvartiraga tushib, 61 yoshli ayolni jarohatlagan.Foto: EPA
Xarkovliklar shahar markazidagi do‘kon vitrinasida sinib ketgan oynalarni olib tashlamoqda.Foto: AFP
Izoh (0)