Запорожье вилоятининг россияпараст маъмурияти Запорожье атом электр станциясида (ЗАЭС) авария юз берган тақдирда аҳолини эвакуация қилиш режасини ишлаб чиқди. Расмийларнинг қайд этишича, ҳозир станция нормал режимда ишламоқда ва радиация даражаси нормал.
«Киев режимининг оммавий риторикада фуқароларим деб атайдиган одамларга нисбатан айёрлиги, бепарволиги ва шафқатсизлигини билган ҳолда, биз, албатта, вазиятнинг ҳар қандай ривожланишига тайёр эдик ва шунинг учун зарурат туғиганда аҳолини эвакуация қилиш режасини ишлаб чиқдик», — дея «РИА Новости»га маълум қилди Запорожье вилоятининг россияпараст маъмурияти раҳбари Евгений Балицкий.
Балицкийнинг айтишича, АЭС ҳудуди 18 июлдан бери деярли ҳар куни ўққа тутилмоқда. Унга кўра, ўққа тутиш Украина қуролли кучлари назорати остидаги ҳудуддан амалга оширилмоқда.
Март ойи бошида Запорожье АЭС тўлиқ Россия ҳарбийлари назоратига ўтганди. Август ойида Москва ва Киев мунтазам равишда бир-бирини ҳудудни ўққа тутишда айбламоқда. МАGATE мутахассисларининг станцияга ташрифи мувофиқлаштирилмоқда.
Изоҳ (0)