Qozog‘iston Milliy xavfsizlik qo‘mitasi (MXQ) qo‘mita sobiq raisi Karim Masimov va uning o‘rinbosarlariga nisbatan jinoyat ishini tekshirish yakunlanganini e’lon qildi, deb yozadi Kazinform.
Karim Masimov va “A” maxsus topshiriqli xizmat sobiq boshlig‘i Anuar Sadikulovning Qozog‘istonda yanvar voqealari chog‘idagi xatti-harakatlari uchta modda bo‘yicha tavsiflandi, bular — davlatga xiyonat, hokimiyatni kuch bilan egallab olish, hukmronlikni va lavozim vakolatlarini oshirib yuborish haqidagi moddalardir.
Masimovning sobiq o‘rinbosari Daulet Yergojinga nisbatan hokimiyatni kuch bilan egallab olish, hukmronlikni va lavozim vakolatlarini oshirib yuborish haqidagi moddalar ilgari surilmoqda. MXQ rahabrining yana bir sobiq o‘rinbosari Marat Osipov hukmronlikni va lavozim vakolatlarini oshirib yuborishga gumonlanmoqda. Xuddi shu modda bo‘yicha gumonlanuvchi sifatida muassasaning yana ikki xodimi aytib o‘tildi.
Ayni paytda barcha gumonlanuvchilar ish bo‘yicha hujjatlarni o‘rganib chiqmoqda. Masimov va Sadikulov uchun hibsda saqlash muddatlari 2022-yil 6-oktabrgacha, Yegorjin uchun — 13-oktabrgacha, Osipov uchun esa 22-oktabrgacha uzaytirildi.
Karim Masimov Qozog‘istonda 2022-yil 6-yanvar kuni yanvar namoyishlari chog‘ida MXQ xodimlari tomonidan qo‘lga olingan edi. Keyinroq uning sobiq o‘rinbosarlari ushlandi.
56 yoshli Karim Masimov Nursulton Nazarboyevning azaliy maslakdoshi bo‘lib, 2016-yil sentabrda MXQ raisi lavozimiga tayinlangan. Bungacha u hukumat rahbari bo‘lib ishlagan. Birinchi marta u 2007-yildan 2012-yilgacha, ikkinchi marta esa 2014-yil aprelidan MXQ raisligiga tayinlanguniga qadar bosh vazir lavozmida faoliyat yuritgan.
Izoh (0)